If you be check say how way Eto'o da new coach kam so Cameroon da sofa dong finish den check again. Togo jos komot for win Cameroon 2 not for Lome. By the special grace of CRTV Cameroonian dem see the match. CRTV pass the whole time dee gee excuse say connection dee worry since e get for komot Togo first pass na for France before e kam dang for Yaounde. And say some mamee rain be fall for Togo. People dem las hear the match na with pawa becos for first half haf commentary go off then kam back way dem dee win Cameroon 1 not. Na way Togo dong win Cameroon so road for go next African Nations Cup and World cup for Brazil dong bend bend pass road for go heaven. Some peepo dem dee cosh na Akono yee follow back. But the man jos enter has e nova even shidong sef. Some people dem dee vex na say why dem mof Akono way e be dee try.
Na true say Cameroon still stand for fine place for yee group but e for better if they fo win dee match so that when dem meetop Kabila yee contripeepo dem no ko dee ova worry. Anyhow the thing day, Cameroonian dem jos dee pray say make ting way e happen las time no happen again or else...
No comments:
Post a Comment